„LEAB jeda TAG,
Min CHARM, min GRINSA, min STRAHLA,
min Lebenswille FREUD zum ho,
oda üba DINGE, SITUATIONA, MEINUNGA,
ou üba ZUKUNFT KOA SORGA zmacha,
hot mir a LEICHTIGKEIT ins HERZ glegt!
Min LEBENSMOTTO war min LEABA!
I hon in kurza Zit alls aleaba wella! Alls usprobiera wella!
Glich, obs im Sport oda sunschtiga Dinga gsi isch, nix hot mi abhalta künna, min Leaba 5x schnealla zleaba, als andre Menscha.
21 Jahre VOLLGAS!
I hon GSPÜRT und GWISST, dass min WEG uf Erda NIT vo LANGA Daua SI WIRD!
- I bin an Mensch gsi, wo ziemlich gelassen war, wo nit alls im Leaba so eng gseana hot und deshalb as Leaba in volla Freud gleabt hot.
- Us jeda Situation hon i s’Beschte gmacht.
- Mine Partys waran legendär. Des hond alle gspürt, dia dabei gsi sind.
- Ufs Geald hon i nit gschout, wal für mi wars viel wichtiga Spaß mit allna zum ho, glich was as kostat hot.
- Aba nit nua des, sondan ou mine Risikobereitschaft war sicha nit vo dera Wealt.
- Im Sport hon i imma alls gea und bin dadurch ou viel mol üba mine Grenza useganga – es war einfach GENIAL!
- Mi hot nix aschrecka künna. Gfahra hon i nit gseana, wal i nua des Guate im Leaba und uf Erda ufgno hon.
- I hon vo oam Tag ufn andra gleabt, so wies min Lebensmotto gsi isch, aba natürlich hon i ou mine Pflichta erfüllt, so wias halt jeda tua muass.
- Bin gern schaffa ganga. Mia hot min Bruaf echt supa gfalla und mit mina Arbeitskollega bin i voll guat usku. Beim Schaffa homa Spaß ket.
Schaffa hoaßt Verantwortung übanea und des hon i toa. - Ou beim Bundesheer hon i Verantwortung zoagt und hon gern min Dieanscht gmacht.
Was i am besta künna hon, war im „HIER und JETZT“ zleaba!
Dinge, Beziehunga, Natur, s’Leaba allgemein, was as mia gea hot, hon i gleabt.
I hon mine Mitmenscha, all mine Freund, Kollega und Kolleginna möga!
Es hot ma gfalla, wenn i für sie do gsi bin und eana mine Zit und min Ohr schenka hon künna. I war gern für min Freundeskreis do und des hon se gwisst.
Se hon ma ihre Herza usgschüttat, eana ihre Sorga, Ängste, tiefere Gedanka vazellt und alls isch imma bei mia blieba. Im Gegateil, i hon vasuacht eana zhealfa, mit eana lacha, manchmol ou weina, oda ou manchmal eana da Kopf grad zrichta.
Einfach allam, in allam vo Herz zu Herz leaba zu mir selba und zu mina Mitmenscha, gli vo wo se her kummand, was se globand, was se denkand, was se schaffand, wia alt se warand, oda in welcha Gesellschaftsschicht se sich bewegt hon.
Min LEABA isch KURZ gsi!
Aba was hoaßt kurz!
Wer legt a Zit fescht, wia lang ma leabt?
Ka kurz ou sehr LANG si?
Es isch nit normal gsi, wie i ganga bin!
Alls isch so schneall ganga und für mi war des ou an brutala Schock, wia für eu ou.
I hon des nit geahnt, dass die Geburtstagsfeia, vo minam Freund am 25. Nov. 2018 noch Innsbruck zu da Böga mit am Stich vo hinta in Hals, so plötzlich endet,
aba i hon in deam Moment gwisst:
„Ok, des wars etz! Etz muass i goh!“
Beim zruckschoua, hon i gseana, was für a GESEGNETES LEABA i ket hon, DANK mina Family und viela andra. I hon gseana, in was für na guata Welt i gleabt hon!
Liebe, Freud, Spaß, Anakennung, viele Menscha um mi ume, dia mi möga hon. Des alls hot min Leaba usgmacht.
Ufgwachsa bin i!
Wo i mi SELBA GSPÜRT hon,
wo i viel FREIRAUM ket hon,
um in minam SEIN zleaba!
Mia isch as voll WICHTIG!
- I wünsch ma für alle, dass se durch min Tod lernand „BEWUSSTA“ leaba und zum „ACHTSAMA im JETZT“ zleab!
- Für eu isch as a riesigs Gschenk an GOTT zgloba, der die LIEBE isch, um da Halt in da AUFERSTEHUNG zfinda!
Ihr künnand eu nit vorstella, wie unendlich frei sich da Himmel afühlt!
Des isch vagleichbar mit na Weite, wo nur Sunna, Licht und Luft isch.
ALLS und ALLE sind EINS!
- I fühl mi do, wie hineingebettet in FREUD und ZIEL, unendlich FREI und EU ganz NAH.
- Do isch in keinsta Weise a Spannung.
- Do isch nur Licht, Liebe, Freud und Geborgenheit in Fülle.
Uf Erda murxt jeda sin Leaba und vamurxt vieles dadurch!
Jeda Mensch trägt a bitzle GÖTTLICHKEIT in sich ou min Täter, deshalb hon i eam ou no VERZIEHA, bevor i ganga bin, denn i fühl mi NIT ALS OPFER.
Min Auftrag uf Erda isch erfüllt und i bin etz GLÜCKLICH am Ziel aku.
Vazichta tua i nit uf a langs Leaba, sondan i hon, was viel tolla isch, sozusäga da Lohn für alls.
I bin ganz sicha nit Tod,
sondan i bin unendlich LEBENDIG!
LIEBE = wenn ma uf des HELLE schout,
statt ufs Dunkle
und wenn ma des HELLE git,
statt des Dunkle!
Oans isch ma ou no ganz WICHTIG!
Ihr hond an BRUCHTEIL vo da Liebe Gottes durch mine Zeicha kennaglernt.
Lond eu ufd LIEBE GOTTES ein und erfahrand selba, was se im Menscha bewirka kann.
Nur die LIEBE zählt, am ENDE,
DAVOR und DANACH erst recht!
(Zitat Michael „Perry“ Perauer)
I wünsch ma, dass ihr eua Leaba leaband, eu freuand, dass ihr vorwärts schouand und innalich ganz viel leanand us deam Prozess.
Leaband s’Leaba, aba imma in da LIEBE, DANKBARKEIT und im FRIEDA!
Eua Michael „Perry“